గ్రేటర్‌ హైదరాబాద్ లో 68 నామినేషన్లు అధికారులు తిరస్కరించారు.

 


Rejects 68 Nominations : గ్రేటర్‌ హైదరాబాద్ ఎన్నికల్లో నామినేషన్ల పరిశీలన పూర్తయింది. వివిధ పార్టీలకు చెందిన మొత్తం 1,893 మంది అభ్యర్థులు నామినేషన్లు దాఖలు చేశారు. వీటిలో 68 నామినేషన్లను రిటర్నింగ్‌ అధికారులు తిరస్కరించారు. దీంతో బీజేపీ 539, టీఆర్ఎస్ 527, కాంగ్రెస్‌ 348, టీడీపీ 202, ఎంఐఎం 72, సీపీఐ 22, సీపీఎం 19, గుర్తింపు పొందిన ఇతర పార్టీల నుంచి 143, స్వతంత్ర అభ్యర్థులు 613 నామినేషన్లు సక్రమంగా ఉన్నట్లు అధికారవర్గాలు వెల్లడించాయి. రేపు మధ్యాహ్నం 3 గంటల వరకు నామినేషన్లను ఉపసంహరణకు గడువుంది. అనంతరం బరిలో ఉన్న అభ్యర్థుల తుది జాబితాను రాష్ట్ర ఎన్నికల సంఘం ప్రకటించనుంది.