గంజాయి అక్రమ రవాణాకు అడ్డాగా మారిన విశాఖ జిల్లా.

 


విశాఖ జిల్లా గంజాయి అక్రమ రవాణాకు అడ్డాగా మారింది. పోలీసులు చర్యలు తీసుకుంటున్నా..కేటుగాళ్లు తగ్గడం లేదు. పొగాకు మాదిరి గంజాయిని సరఫరా చేయడం గమనార్హం. కాగా ఏపీలో యువత భారీ ఎత్తున గంజాయికి బానిసగా మారిందని తెలుస్తోంది. రాష్ట్రవ్యాప్తంగా వివిధ ప్రాంతాల్లో పట్టబడుతోన్న గంజాయిని బట్టి దాని వినియోగం ఏ రేంజ్ లో ఉందో అర్థం చేసుకోవచ్చు. తాజాగా విశాఖ జిల్లాలో 1,925 కేజీల గంజాయిని స్వాధీనం చేసుకున్నామని రాష్ట్ర డీఆర్‌ఐ(డైరెక్టరేట్‌ ఆఫ్‌ రెవెన్యూ ఇంటెలిజెన్స్‌) అధికారులు తెలిపారు. ఈ నెల 21వ తేదీన ఓ టాటా కంటైనర్‌ ట్రక్‌లో గంజాయి తరలిస్తున్నారన్న ముందస్తు సమాచాంతో తనిఖీలు నిర్వహించినట్లు చెప్పారు. ఈ క్రమంలో నిఘా పెట్టి విశాఖ జిల్లా అగనంపూడి టోల్‌గేటు దగ్గర ఆ వాహనాన్ని గుర్తించామని వెల్లడించారు.