జీవశాస్త్ర రంగంలో ఆసియా ఖండంలోనే అతి పెద్దదిగా పేరొందిన 'బయో ఏషియా' సదస్సు



జీవశాస్త్ర రంగంలో ఆసియా ఖండంలోనే అతి పెద్దదిగా పేరొందిన 'బయో ఏషియా' సదస్సు ఈసారి కరోనా, ఆరోగ్యం ప్రధాన ఎజెండాలుగా సాగనున్నది. 18వ ఎడిషన్ బయో ఏషియా సదస్సు ఈ నెల 22, 23 తేదీల్లో హైదరాబాద్‌లో జరుగనున్నది. కరోనా నేపథ్యంలో తొలిసారిగా వర్చువల్‌గా సదస్సు జరుగుతుంది. ఇందులో ప్రధానంగా కొవిడ్‌-19, ప్రపంచవ్యాప్తంగా జీవశాస్త్ర రంగంలో అది తీసుకొచ్చిన మార్పులపై చర్చిస్తారు. ఈ సమావేశం ఫార్మా, బయోటెక్‌ కంపెనీలు సీఆర్వోలు, సీఎంవోలు, సీడీఎంవోలు, బయోటెక్‌ స్టార్టప్‌లు, అకడమిక్‌ ఇన్‌స్టిట్యూషన్లు, శాస్త్రవేత్తలు, పరిశోధకులు, రాజకీయ నేతలు, నిపుణులకు మంచి అవకాశం.