సెర్చింజన్ దిగ్గజం గూగుల్(Google) తన ఆండ్రాయిడ్ యూజర్లకు(Android Users) అదిరిపోయే శుభవార్త చెప్పింది. గూగుల్ లేటెస్ట్ అప్డేట్లో 'లాస్ట్ 15 మినెట్స్( Last Fifteen Minutes)' పేరుతో ఓ కొత్త ఫీచర్ను(New Feature) పరిచయం చేయనున్నట్లు తెలిపింది.
ఆండ్రాయిడ్ యూజర్లు తమ సెర్చ్ హిస్టరీలోని చివరి 15 నిమిషాల హిస్టరీని డిలీట్ చేసుకునేలా కొత్త అప్డేట్ను(Update) తీసుకురానుంది. ఈ మేరకు గూగుల్ తన 2021 I/O కాన్ఫరెన్స్‌లో కీలక ప్రకటన చేసింది. ఇప్పటికే, ఈ లేటెస్ట్ అప్డేట్ను ఐఓఎస్(IOS) యూజర్లకు అందుబాటులోకి తెచ్చింది. అతి త్వరలోనే ఆండ్రాయిడ్ యూజర్లకు సైతం పరిచయం చేయనున్నట్లు గూగుల్ వెల్లడించింది.
కాగా, ఈ ఫీచర్ను గతేడాది జులైలోనే పరిచయం చేయాలని గూగుల్ తొలుత భావించినప్పటికీ.. సాంకేతిక కారణాల వల్ల ఆలస్యమైనట్లు సమాచారం. ప్రస్తుతం, కొద్ది మంది యూజర్లకు మాత్రమే ఈ ఫీచర్ అందుబాటులో ఉందని, త్వరలోనే పూర్తి స్థాయిలో యూజర్లకు పరిచయం చేస్తామని పేర్కొంది. అయితే, ఈ ఫీచర్ డెస్క్టాప్ వెర్షన్లో ఎప్పుడు అందుబాటులోకి వస్తుందనే విషయంపై గూగుల్ స్పష్టతనివ్వలేదు.
కాగా, ప్రస్తుతం గూగుల్లో గంట, ఒక రోజు, వారం, నెలా లేదా మొత్తం హిస్టరీని మాన్యువల్గా డిలీట్ చేసుకునే ఆప్షన్లు మాత్రమే ఉన్నాయి. ఇటీవల 3 నెలలు, 18 నెలలు లేదా 36 నెలల ఓల్డ్ హిస్టరీని ఆటోమేటిక్గా క్లియర్ చేసే ఆప్షన్ను సైతం గూగుల్ చేర్చింది. ఇప్పుడు, కొత్తగా 15 నిమిషాల ఓల్ట్ హిస్టరీని కూడా డిలీట్ చేసే అప్డేట్ను అందుబాటులోకి తీసుకురానుంది. యూజర్లు డిఫాల్ట్ గూగుల్ సెర్చ్ యాప్లోని పాప్ అప్ మెనూ ఓపెన్ చేయగానే అక్కడ చివరి 15 నిమిషాల సెర్చ్ హిస్టరీని తొలగించే ఆప్షన్ కనిపిస్తుంది. దానిపై క్లిక్ చేస్తే చివరి 15 నిమిషాలకు సంబంధించిన హిస్టరీ క్లియర్ అయిపోతుంది.
గతేడాదే ఐఓఎస్ యూజర్లకు పరిచయం..
ఈ ఫీచర్ కోసం యూజర్లు ఆండ్రాయిడ్ ఫోన్లలో గూగుల్ యాప్ ఓపెన్ చేసి ప్రొఫైల్ పిక్చర్ ఐకాన్పై క్లిక్ చేయాలి. తర్వాత అకౌంట్ సెట్టింగ్స్ మెనూ ఓపెన్ అవుతుంది. అందులో సెర్చ్ హిస్టరీ కింద 'డిలీట్ లాస్ట్ 15 మినెట్స్' అనే ఆప్షన్ కూడా కనిపిస్తుంది. దానిపై క్లిక్ చేస్తే చివరి 15 నిమిషాలకు సంబంధించిన మీ బ్రౌజింగ్ హిస్టరీ మొత్తం డిలీట్ అవుతుంది. కాగా, ఈ ఏడాది మే 11, 12 తేదీల్లో గూగుల్ యాన్యువల్ డెవలపర్స్ కాన్ఫరెన్స్ నిర్వహించనుంది. ఈ కాన్ఫనెన్స్లో గూగుల్ పరిచయం చేయబోయే పలు కీలక ఫీచర్ల గురించి ప్రకటన చేయనున్నట్లు సమాచారం.
