'భవదీయుడు భగత్ సినిమా నుండి క్రేజీ అప్డేట్.?.

 


పవన్ కళ్యాణ్ అభిమానులకు ఓ శుభవార్త. 'భవదీయుడు భగత్ సింగ్' సినిమా రెగ్యులర్ షూటింగ్‌ను ఆగస్ట్ నుంచి ప్రారంభిస్తారట. తొలి షెడ్యూల్‌ను ఊటీలో చిత్రీకరిస్తారమని హరీష్ శంకర్ తెలిపారు.



ఆయన ఇచ్చిన క్లారిటీతో సినిమాపై వస్తున్న రూమర్స్‌కు క్లారిటీ వచ్చినట్లయ్యింది. ఇది పవన్ కళ్యాణ్ ఫ్యాన్స్‌కు కిక్ ఇచ్చే విషయమనే చెప్పాలి. ఎందుకంటే వీరిద్దరి కాంబోలో వచ్చే కమర్షియల్ మూవీ కోసం ఫ్యాన్స్ ఎంతో ఆసక్తిగా ఎదురు చూస్తున్నారనటంలో సందేహం లేదు. వీరిద్దరూ కలిసి గతంలో చేసిన గబ్బర్ సింగ్ మూవీ ఇండస్ట్రీ హిట్ అయ్యింది. దీంతో ఇప్పుడు రానున్న 'భవదీయుడు భగత్ సింగ్'పై ఇటు ఫ్యాన్స్ అటు ట్రేడ్ వర్గాలు చాలా ఆశలనే పెట్టుకున్నాయి.


ఇదిలావుంటే పవర్ స్టార్ పవన్ కళ్యాణ్ హీరోగా స్టార్ డైరెక్టర్ హరీష్ శంకర్ దర్శకత్వంలో రూపొందనున్న చిత్రం 'భవదీయుడు భగత్ సింగ్'. ఈ సినిమాకు సంబంధించిన అనౌన్స్‌మెంట్ ఎప్పుడో వచ్చినప్పటికీ కరోనా పరిస్థితుల కారణంగా సినిమా సెట్స్ పైకి వెళ్లడానికి సమయం తీసుకుంది. అయితే ఇప్పటికీ ఈ కాంబినేషన్‌లో సినిమా ఎప్పుడు సెట్స్ పైకి వెళుతుందనేది క్లారిటీ లేదు. దీంతో సోషల్ మీడియాలో 'భవదీయుడు భగత్ సింగ్'పై చాలా వార్తలే పుట్టాయి. అయితే రీసెంట్‌గా ఓ ఇంటర్వ్యూలో డైరెక్టర్ హరీష్ శంకర్ ఈ వార్తలపై క్లారిటీ ఇచ్చారు.


ఇది కాకుండా 'భవదీయుడు భగత్ సింగ్' సినిమాకు సంబంధించి మరో ఆసక్తికరమైన విషయాన్ని హరీష్ శంకర్ షేర్ చేశారు. అదేంటంటే.. పవన్ కళ్యాణ్ క్యారెక్టర్‌కు సంబంధించింది. ఈ చిత్రంలో పవన్ కళ్యాణ్ లెక్చరర్ పాత్రలో కనిపించబోతున్నారట. ఇప్పటి వరకు పవన్ కళ్యాణ్ ఇలాంటి పాత్రలో కనిపించలేదు. మరి లెక్చరర్ పాత్రలో ఎలా మెప్పిస్తారో చూడాలి. ప్రస్తుతం పవన్ కళ్యాణ్ జాగర్లమూడి క్రిష్ దర్శకత్వంలో హరి హర వీర మల్లు చిత్రంలో నటిస్తున్నారు. ఈ సినిమాలో పవన్ బందిపోటు పాత్రలో కనిపించబోతున్నారు. ఆ సినిమా షూటింగ్‌ను జూలై లోపు పూర్తి చేయాలనేది మేకర్స్ ఆలోచన.